Finoana

Marc Ravalomanana Taorian�Ankaramalaza dia Manandona

Finoana
Alatsinainy 08 Aogositra 2016

Taorian�ny dian�ny filoha Ravalomanana tany Ankaramalaza dia ny isan-taonan�ny Synodam-paritany Avaratrimania na ny SPAM eo anivon�ny fiangonana loterana Vakinankaratra indray no notsidihiny

. Hita taratra fa tsy maty ao am-pon’ny rehetra izay lalovany ity filoha nolazaina fa naloam-bahoaka ity. Hafaliana hatrany no handraisan’ny krisitianina ny filoha lefitry ny fiangonana FJKM ity amin’ny alalan’ny hofahofa tanana. Tsy nanafina ny hafaliany sy ny fankasitrahany ity filoham-pirenena teo aloha ity ny filohan’ny Synodam-paritany Avaratrimania, Pastora Rakotovao Joseph ary nampahatsiahy ireo fanampiana be dia be nataon’ny filoha tamin’ny fotoan’androny, indrindra ny fiaraha-miasan’ny Fiangonana sy ny Fanjakana tamin’izany fotoana, izay nizotra tokoa. Niompana tamin’ny finoana kristianina sy ny fiarovana izany no tena nivoitra tamin’ny lahateny sy fampianarana nataon’ny filoha Ravalomanana nandritra ity fihaonana ity, izay nahafaly ireo kristianina marobe.

Caius R.