Mahajanga

> Nanasa ny FFKM ny Lehiben’ny Faritra Boeny vaovao

  • Finoana
    Sabotsy 24 Aogositra 2013

Nanasa ny FFKM Mahajanga ny Lehiben’ny Faritra Boeny vaovao Saďd Ahamad Jaffar ny Alakamisy 22 aogositra tao amin’ny birao fiasany. Nambarany fa manana ny andraikiny eo amin’ny firahamonina ireto Raiamandreny am-panahy kristianina ireto ka izay no antony voalohany nanasany azy ireo amin’ny maha Raiamandrenin’ny Faritra azy ihany koa.

Faharoa, dia ny fanamafisana sy fitohizan’ny fiaraha-miasa eo amin’ny Faritra sy ny Fiangonana. Fahatelo, dia ny fanomezan-toky nataon’ny Lehiben’ny Faritra ireto Raiamandreny ireto fa na dia mitondra anarana silamo sy manaraka ity finoana ity aza ny tenany dia tsy manana toe-tsaina manilikilika sy manavakavaka mihitsy amin’ny hafa finoana aminy.

 

Nandeha be mantsy ny resaka tao Mahajanga hatramin’ny naha voatendry ho Lehiben’ny Faritra Boeny an’Atoa Saïd Ahamad Jaffar, izay Sakalava manaraka ny finoana silamo, fa ho lasan’ny Silamo ary hanjakan’izy ireo sy ny Zanatany, izay teratany Kaomorianina valovotaka ao Mahajanga ny tanàna. “Tiako haseho, mba hisian’ny fifampitokisana eo amiko sy ny vahoakan’i Mahajanga ary ny Faritra iadidiko, fa tsy tokony hampisy ahiahy ny finoako fa samy manana ny finoany ny rehetra ary tsy ho sakana eo amin’ny fampandehanan-draharaham-panjakana izany”, hoy izy. Naneho fankasitrahana izao fahatsorana sy fisokafana amin’ny rehetra izao ny FFKM Mahajanga izay notarihin’ny Prezida sinodalin’i Boina Vaovao, Rakotomalala Olivier, Mpitandrina, ary nilaza ho nahazo toky tokoa raha nisy ihany ny fisalasalana teo aloha.

 

 

JD

Tia Tanindrazana

Samia mijoro ho an'i Gasikara.


Ao amin’ity sokajy ity ihany : Finoana

  • Alahadin’ny taraka
  • Alatsinainy 20 Aprily 2026

FJKM RASALAMA MANJAKARAY

  • LĂ©on XIV tany Cameroun
  • Alakamisy 16 Aprily 2026

Fitsidihana apetraka ho

  • PASTERA HERITIANA
  • Zoma 03 Aprily 2026

Tsy voatery ho andro Alahady

  • Vondron’ny Fikambanana Masina
  • Alatsinainy 30 Martsa 2026

na VFM « Mitaky ny fombany ny tany, mila

  • Mankalaza ny faha-42
  • Alarobia 25 Martsa 2026

taonany ny fiangonana Shincheonji

  • Pastera Heritiana
  • Alarobia 18 Martsa 2026

« Tokony hahitsy toa ny

Hijery ny tohiny
FTT