Finoana

Madagasikara sy Vatican Feno 50 taona ny fifandraisana

Finoana
Talata 24 Janoary 2017

Ny 27 ka hatramin�ny 31 janoary 2017 izao no hankalazaina eto amintsika ny faha-50 taonan�ny fifandraisana diplomatika eo amin�ny fiketrahana masina ao Vatikan sy ny firenentsika. Io no anton�ny fandalovan�ny sekreteran-panjakana ao Vatikan,

ny kardinaly Pietro Parolin, eto amintsika mandritry ny dimy andro, araka ny fanazavana nomen’ireo olobe katolika avy eo anivon’ny “Conférence des évèques de Madagascar” tetsy amin’ny Episcopat Antanimena, omaly. Ny alin’ny 26 janoary izao no higadona eny amin’ny seranam-piaramanidin’Ivato ity sekreteram-panjakana ity ary ny ampitson’io ny tenany dia efa hihaona amin’ny filoham-pirenena Hery Rajaonarimampianina sy ny praiminisitra Mahafaly, raha ny fandaharam-potoana. Maromaro ny hetsika hataony mandritra izay 5 andro izay, anisan’izany ny fitsidihana ny oniversite katolika eny Ambatoroka sy ny fihaonana amin’ny fivondronamben’ny Eveka ary ny fitarihana sorona masina etsy amin’ny kianjaben’i Mahamasina.

Mirija