Finoana

Loka � Sylvia Michel 2015 � Norombahan�ny mpitandrina Rabemila Yvette sy Rabarijaona Brigitte

Finoana
Alarobia 15 Aprily 2015

Norombahin-dRabemila Yvette sy Rabarijaona Brigitte samy mpitandrina vehivavy eo anivon�ny fiangonana FJKM ny loka Sylvia Michel 2015, natolotra azy ireo tany Soisa ny 08 martsa lasa teo.

Ny fiangonana protestanta Soisa miara-miasa amin’ny PANKS ( fikambanan’ny vehivavy filoham-piangonana any Soisa) sy ny CMER ( fiombonan’ny fiangonana Reforme maneran-tany) ho an’ny vehivavy miezaka amin’ny haitarika ( leadership) no nanolotra ny loka izay mitentina 5.000 dolara entina hanatanterahana ilay tetikasa « Empowering women ministers ». Tanjona amin’io tetikasa io raha araka ny fanazavan’izy mpitandrina mirahavavy mianaka ireto ny hanomezana fanampim-piofanana sy fampitaovana ny mpitandrina vehivavy ao amin’ny FJKM mba ho vonona handray andraikitra amin’ny seha-pitarihana sy fanapahan-kevitra eo anivon’ny fiangonana. Tsiahivina moa fa miisa 20 ny antontan-taratasy nifaninana tamin’izy mianaka mirahavavy ireto ka nisy tamin’ireo no avy any Inde. Sylvia Michel no anaran’ilay loka satria io no vehivavy voalohany voafidy ho filoham -piangonana tany Eoropa. Marihina moa fa ny mpitandrina Rabemila Yvette no namorona ilay Caravane des femmes pour la paix eto Madagasikara.

Pati

Légende : Nandritra ny fotoana nanolorana ny loka azy mirahavavy mianaka tany Soisa ny 08 martsa taona 2015