Finoana

Leadership Chrétien de Développement Vonona hampita ny traikefa ho fampandrosoana ny firenena

Finoana
Alatsinainy 12 Martsa 2018

Vonona hampita ny traikefany amin’ny mpiray tanindrazana ny “Leadership Chretien de developpement” ho fampandrosoana ny firenena.

Tsy mijanona amin’ny fahaiza-mitarika fotsiny izany, hoy Rajoelison Herilala, filohan’ny fikambanana fa avy hatrany dia mandeha any amin’ny fandraisana andraikitra amin’ny alalan’ny asa mivaingana, arahina teknika maty paika. Ny tsy fananan’ny tompon’andraikitra izany mantsy ho an’ny LCD no anisan’ny nampikorosy fahana ny firenentsika tahaka izao. Nanatanteraka ny fifampiarahabana nahatratra ny taona vaovao 2018 teny amin’ny efitrano fandraisana fivoriana iraisam-pirenena eny Ivato izy ireo omaly, narahina fiaraha-misakafo. Tonga nanotrona azy ireo ny mpikambana LCD maro be avy any am-pitandranomasina izay saika nahatonga solontena avokoa. Nisy ny fampianarana nomen’izy ireo ny mpikambana eo anivon’ny LCD eto Madagasikara nandritra izany, narahina fifampizarana traikefa. Nanotrona ny lanonana ny antoko mpihira eo anivon’ny LCD eto amintsika.

Pati