Finoana

Krizy sy fahantrana mamely Mila vavaka ny firenena

Finoana
Alakamisy 08 Jona 2023

Tena mila vavaka ny firenentsika manoloana ireo olana maro samihafa mitranga ankehitriny.

Ankoatra ireo mpitondra dia mila izany ihany koa ny firenena sy ireo vahoaka ao aminy indrindra amin’izao hankatoky ny fankalazana ny fetim-pirenena 26 Jona, tsingerin-taona faha-63 nahazoantsika ny fahaleovantena izao. Tsy diso anjara tamin’izany ny kaominina Talatamaty omaly, notarihin’ny Ben’ny tanana Raharinoasy Elie Dominic. Tao amin’ny FJKM Betela Tanjondava no nanatanterahana ny fotoam-pivavahana iraisam-pinoana mifandraika amin’izany izay nahavory olona marobe tokoa. Nambaran’ireo mpanompon’Andriamanitra nitondra ny tenin’Andriamanitra omaly fa sambatra ny firenena manana an’i Jehovah ho Andriamaniny indrindra amin’izao vanim-potoana sarotra izao. Izany indrindra no antom-pisian’ny vavaka niombonam-po tahaka ireny izay tokony ho fitaratra sy maodely ho an’ny kaominina rehetra, indrindra fa ny mpitondra.
Pati
Legende : Ny Ben’ny tanàna nanokatra ny fotoam-bavaka tao amin’ny FJKM Betela Tanjondava Talatamaty