KRISTIANINA TSY MAHAZO VALIM-BAVAKA

Mila mandini-tena, hoy Pastera Heritiana

Finoana
Alarobia 19 Martsa 2025

Betsaka ireo Kristiana mitaraina ho tsy mahazo valim-bavaka amin’izao.

Mitalaho isan’andro indrindra amin’izao fotoanan’ny fifadian-kanina hidirana amin’ny fetin’ny Paska izao saingy miala maina. Tena mamaly vavaka anefa Andriamanitra hoy Pastera Heritiana Randriarimalala, filoha mpanorina ny trano fivavahana Vahao ny oloko. Ho an’ireo tena manao ny sitrapony sy manaraka ny voalazany ao anaty Baiboly hoy izy nefa tsy mahazo valim-bavaka dia mety misy antony hafa. Raha zavatra iray mantsy no hangatahin’ilay olona hoy izy dia mety ho roa no omen’Andriamanitra azy amin’ny fotoanany fa mitakt faharetana fotsiny. Ho an’ireo mbola tsy tena manaraka ny sitrapony kosa indray nefa mitalaho sy mivavaka dia mila miroso sy manao ny mety hatrany mba hahazoany izany valim-bavaka izany. Notsiahivin’ny Pastera Heritiana moa fa fotoana fanavaozam-panahy sy fanoloran-tena ho an’Andriamanitra izao ankatoky ny Fetin’ny Paska izao.
Pati
Legende : Tena mamaly vavaka Andriamanitra hoy Pastera Heritiana !