Kristianina mandinika raharaham-pirenena

«Atonony ny tetiandro natolotry ny FFKM»

Finoana
Talata 09 Desambra 2025

Lalàna, fitsipika, fampandrosoana no

resaka dinihina anatin’izany atao hoe fikaonandoham-pirenena izany, hoy ny Kristianina mandinika raharaham-pirenena, Ralaiarimanana. Tsy azo atao kimaimaika izany, hoy izy, ary heveriko fa sady tsy latsaka no tsy mihoatra mihitsy fa atonony ny tetiandro natolotry ny FFKM. Eo ny fijerena ny fomba ialàna amin’ny krizy miverimberina. Teo aloha isika nandray fanapahan-kevitra an-kamehana dia niaraha-nahita ny vokany. Lojika be raha nanasongadina manokana ny fiaraha-miasa amin’ny sehatra tsy miankina ny filohan’ny fanavaozana satria tsy maintsy mifampijery ny fanjakàna sy ny sehatra tsy miankina. Matoa ny vidim-piainana midangana be toy izao dia satria be loatra ny vola alohan’ny mpandraharaha amin’ny fadin-tseranana. Toy ny mividy indray mihitsy ianao rehefa tonga ao amin’ny seranana ny entanao. Tsy zaka toy izany koa ny hetra. Ny tena moa aty amin’ny sehatra tsy miankina dia mahita izany, hoy hatrany ity Kristianina mandinika raharaham-pirenena ity.
J. Mirija