Finoana

Kardinaly Pietro Parollin Noraisina toy ny filoham-panjakana

Finoana
Sabotsy 28 Janoary 2017

Nigadona teto Madagasikara ny alin�ny alakamisy 26 janoary lasa teo ny sekreteram-panjakan�i Vatican, Kardinaly Pietro Parollin,

izay manao fitsidihana eto Madagasikara ao anatin’ny herinandro latsaka kely. Tafiditra ao anatin’ny fankalazana ny faha-50 taonan’ny fifandraisan’i Madagasikara ny fivahinianany, ary efa feno tanteraka ny fandaharam-potoanany. Ho an’ny omaly maraina dia nisy ny sorona masina notarihiny teny amin’ny masoivohon’i Vatican eny Ivandry. Taorian’izay dia noraisin’ny filoham-pirenena Hery Rajaonarimampianina teny Iavoloha ny tenany, saingy tsy nisy nipika kosa ny resaka nifanaovana. Ny praiminisitra Mahafaly Olivier kosa no nandray azy teny Mahazoarivo omaly takariva. Ho an’ny anio dia hihaona amin’ireo mpianatry ny oniversite Katolika na ny UCM eny Ambatoroka ity laharana faharoa eo anivon’ny fiketrahana masina ity. Anisan’ny fotoan-dehibe ho an'ny mpino katolika kosa ny fanatrehany ny lamesa lehibe iraisan’ny mpino katolika eny Mahamasina, ary aorian’io sorona masina io ny fiaraha-misakafo iarahany amin’ireo eveka rehetra eto Madagasikara. Ny alatsinainy 30 janoary kosa no hanaovana fitsidihana eny amin’ny tobin’ny Akamasoa, tantanan’i Mompera Pedro Opeka, ary handao tanteraka an’i Madagasikara ny tenany ny 01 febroary izao. Hentitra tanteraka ny fitandroana ny filaminana sy ny fiarovana ity olo-manankaja eo anivon’ny fiketrahana masina ity.

Toky R.