Jobily volafotsin’ny Sampati FJKM Kristy Fehizoro

Hanao seho an-tsehatra ny Kerobima Ankatso

Finoana
Alarobia 26 Febroary 2025

Ao anatin’ny fankalazàna ny jobily volafotsin'ny Sampana mpanazava sy tily na Sampati,

fivondronana saha 203e, ao amin’ny FJKM Kristy Fehizoro Antsampanimahazo Ambohitrimanjaka dia hisy ny seho an-tsehatra ataon'ny Kerobima Ankatso ao an-toerana ny alahady 9 martsa 2025 ho avy izao, manomboka amin'ny 2 ora sy sasany, hoy ny fampitam-baovao voaray. «Aoka hazava eo imason’ny olona toy izany koa ny fahazavanareo!», hoy ny voasoratra ao amin’ny Baiboly, ao amin’ny Matio 5 : 16a. Izay no teny filamatra noraisina ho fanamarihana izao fankalazàna izao. Ireo mponin’Ambohitrimanjaka tsy an-kanavaka kosa no asaina amin’ity hetsika fiderana an’Andriamanitra ity, hoy hatrany ny fanazavana sy fampitam-baovao voaray.
Nangonin’i J. Mirija