Finoana

JMJ Mada 10 Maherin’ny 30.000 isa ny mpizaika andrasana

Finoana
Talata 23 Aogositra 2022

Maherin’ny 30.000 isa ny mpizaika andrasana ao Antsirabe ny 30 aogositra hatramin’ny 4 septambra izao mandritry ny andron’ny tanora andiany faha 10 na JMJ Mada 10 eto Madagasikara,

raha ny fanazavana fanampiny voaray tetsy amin’ny Episcopat Antanimena omaly. 28.509 ireo efa nisoratra anarana. Miisa 16 ireo toerana handraisana ny mpizaika. Miisa 60 eo kosa ireo trano fatoriana sy fisakafoana. Ho fitandroana ny filaminana mialoha sy mandritra ary aorian’ny hetsika kosa dia hisy ny fitsirihana manokana ireo fiara hitondra ireo mpizaika izay hiandraiketan’ny ATT. Ho araha-maso koa ny mpamily. Entanina handeha atoandro ny mpizaika ary hanaja ny fandaminana, hoy ny mpitandro filaminana. Nampitomboina ny isan’ireo zandary, polisy, miaramila, manara-maso mandritry ny hetsika. Miisa 1300 kosa ireo fiara hitatitra ny mpizaika, raha ny fanazavana hatrany.
J. Mirija