Finoana

Jihadisma, fananganana Mosqu�e 2000 Milaza ny heviny ny mpino Silamo

Finoana
Zoma 01 Jolay 2016

Naneho ny heviny mikasika ny ahiahin�ny olona amin�ilay fananganana mosqu�e miisa 2.000 eto amintsika Andriamatoa Sheik Rijaly Jean Bel, filohan�ny mpanorina sady tale jeneralin�ny UMMI

( Union des Mouballighs Malagasy Ithna Anshari) etsy Ampasika Atsimondrano. Nambarany tamin’izany fa mahavariana azy loatra ny fahatairan’ny olona mikasika izany vaovao izany satria fotodrafitrasa hitaiza sy hanasoa ny mpiara-belona ny mosque raha araka ny nambarany. Ny épi-bar izay miparitaka etsy sy eroa hoy izy no tokony hahaitra ny olona izay mahazo alalana hatrany tsy misy sakantsakana. Na izany aza anefa dia nambarany fa ny filoham-pirenena sy ny praiminisitra no tokony hamaly izany, ireto farany izay efa samy nanda mafy ny amin’ny tsy fahafantarany izany. Mikasika ny fanaparitahan’izy ireo ny finoany manokana dia notsindriany fa tsy misy paikady manokana hananan’ny mpino Silamo akory. Ireo mpino Silamo manana hatsaram-po sy be fitiavana hoy izy no miezaka mizara izany amin’ny mpiara-belona satria adidiny izany ka afaka mandray avokoa izay liana. Notsindriany manokana moa ho an’ireo Jihadista na Slamo mahery fihetsika fa anarana toy ny anarana rehetra io izay midika ho fanaovana ezaka masina amin’ny finoana ho azy ireo ka tsy fantany ny ankoatra izay.

Pati