Finoana

Partagé sur :
• facebook

Nivoaka ny alatsinainy 13 desambra teo ny didim-pitondrana faha-142/2021-MID-PREF.POL. avy amin’ny Prefektioran’ny Polisy Analamanga eo ambany fiadiadian’ny Minisiteran’ny Atitany,

 manambara ny fisokafan’ny Fiangonana Jesosy Mamonjy Foibe ao Ankorondrano, izay voatery nakatona noho ny disadisa anatiny niseho volana maro izay. Làlana nahafahana nizotra tamin’io ny nahavitana sonia ny tondrozotram-pandaminana tsy maintsy arahina voasonia ny 10 desambra teo. Misy andininy 9 io, ka isan’izany ny maha manan-kery ny sata sy ny fitsipika anatiny voapetraka any amin’ny Minisiteran’ny Atitany; Manan-kery ny rafitra rehetra misy toy ny “conseil d’adminisitration” sy ny “collège des pasteurs”; Ajoro ny “Comité transitoire du conseil d’administration” hitarika ny “conseil d’administration” sy ny raharaham-pitantanana ny fiangonana ka olona 4 no mandrafitra azy izay roa avy ho an’ny andaniny sy ny ankilany, ary ny filoha lefitra no miantso sy mitarika fivoriana; Ny fanapahan-kevitra rehetra dia iarahana mandray (Direction collégiale); Ny famoaham-bola rehetra dia tsy maintsy misy sonian’ny mpitantana 4,… Noho io tondrozotra io, dia nambaran’ilay didim-pitondrana nivoaka ny 13 desambra, fa foana sy tsy manan-kery intsony ny taratasy manambara ny Fikatonan’ny Fiangonana Jesosy Mamonjy eny Ankorondrano. Misokatra ny fiangonana taorian’ny fahavitana sonia ny didim-pitondrana, ary foana avokoa ny fepetra rehetra teo aloha mifanohitra amin’io didy io .
Toky R
 

Tia Tanindrazana

Samia mijoro ho an'i Gasikara.