Finoana

Ho an’i Kristy Hetsika natao hamondronana ny Kristianina rehetra

Finoana
Zoma 06 Desambra 2019

Notanterahina nanomboka omaly etsy amin’ny lapan’ny kolontsaina sy ny fanatanjahantena etsy Mahamasina haharitra efatra andro ilay hetsika hamondronana ireo Kristianina rehetra misehatra amin’ny ara-barotra….

Tranoheva miisa 150 no mandray anjara amin’izany mivarotra sy mampiranty ireo karazana kojakoja ilaina mandritra ny fetin’ny Noely sy ny faran’ny taona. Ankoatra ny akanjo sy ny kiraro ary ny kilalao dia hita ao an-toerana ihany koa ny Baiboly… Hampiavaka ny hetsika anio zoma ny fisian’ny fampisehoana iarahana amin’i Rojo Ny Avo sy ny tarika TDL natao hanitarana ny ambaindain’ny fitoriana ny filazantsara. Hitohy amin’ny fiaraha-misakafo hanasana ireo tompon’andraikitra eo anivon’ny fiangonana maro isan-tsokajiny izany rahampitso sabotsy. Tsiahivina moa fa tsy misy vidim-pidirana ny hetsika. Na izany aza misy ny tombola hahafahana mandray anjara mety hahazoana tapakila hahafahana miala sasatra any Nosy-be miainga eto Antananarivo.

Pati