Finoana

Hetsiky ny Mpitondra Fivavahana Hifamotoana eny amin�ny Fjkm Androndra rahampitso

Finoana
Alatsinainy 07 Jona 2010

«Jehovah hiady ho anareo fa ianareo kosa hangina». Io no filamatry ny Hetsiky ny Mpitondra Fivavahana amin’ity herinandro ity, hanohizan’izy ireo ny vavaka ho an’ny firenena hametrahana ny Fahamarinana. Tamin’iny herinandro lasa iny dia nifandimby nampiantrano ny fotoam-bavaka nomanin’izy ireo ny Fjkm 67ha sy ny Fjkm Ambatomena niraisan’ny kristianina sy ireo Malagasy te hametraka izany Fahamarinana izany eto amintsika. Amin’ity herinandro ity dia eny amin’ny Fjkm Androndra Fahasoavana indray no hiombom-bavaka ny rehetra rahampitso talata antoandro. Efa am-bolana izay dia misy fotoam-bavaka hatrany eny amin’ireo fitandremana isan-tokony, hitondrana am-bavaka ny firenena, hiadiana amin’ny fahalovana samihafa. Araka izany, na dia eo aza ny ezaky ny sasany namoretana ny HMF, dia tsy mihemotra izy ireo fa miroso hatrany, indrindra taorian’ireny herisetra natao tamin’ireo mpitondra fivavahana ny alakamisy 20 mey lasa teo ireny, ka nahafatesana mpitandrina iray, misy mbola any am-ponja.

Nangonin’i Soa