Finoana

Hetsika ara-panatanjahantena AFIFAB Raikitra ny fiadiana ny “Amboaran’ny filohan’ny FJKM”

Finoana
Alatsinainy 04 Novambra 2019

Eny amin’ny kianjan’ny sekoly Paul Minault Androhibe, nanomboka tamin’ny sabotsy 02 novambra 2019 teo ka tsy hifarana raha tsy amin’ny faha-20 novambra ho avy izao, no hanatontosana ny hetsika ara-panatanjahantena

AFIFAB “Asa Fifandraisana sy Fahampalalam-baovao” hiadiana ny “Amboaran’ny filohan’ny FJKM” dia ny mpitandrina Irako Andriamahazosoa Ammi. Taranja 4 no hifaninanan’ireo zanaky ny fiangonana manodidina an’Antananarivo ka ao amin’ny taranja baolina kitra dia misy ekipa 21 mandray anjara, taranja basikety baolina ahitana ekipa 14, taranja volley-ball misy ekipa 5 mandray anjara ary eo amin’ny taranja tsipy kanetibe olon-telo miaraka dia misy ekipa 16. Ity taranja farany sy ny volley-ball no ekipa “mixte” fa ny basikety sy baolina kitra dia natokana ho an’ny lehilahy irery ihany. Isaky ny sabotsy hatrany no hanatontosana an’ity hetsika ity eny Androhibe. Marihana fa tamin’ny sabotsy 26 oktobra lasa teo no nanokafana ofisialy an’ity hetsika ity tamin’ny alalan’ny fanompoam-pivavahana natao teny amin’ny FJKM Atsimon’i Mahamasina.

Ntsoavina Evariste