Finoana

Herinandro Masina Fotoana natokana hibebahana

Finoana
Alarobia 28 Martsa 2018

Fotoana iray tena manan-danja eo amin’ny fiainan’ny Kristianina ny fetin’ny Paska tahaka izao izay hialohavan’ny herinandro masina. Eo mantsy raha araka ny fanazavan’ny loholona Liva Andriambelo,

tompon’andraikitra eo anivon’ny fiangonana Fjkm Tranovato Ambatonakanga no fotoana natokana hibebahana sady hahatsiarovana ny famonjena nataon’i Jesoa Kristy izay nanolotra ny ainy ho avotra ho an’ny olona ao anatin’ny fahotana. Eo amin’ny sehatry ny fiangonana sy ny maha olona dia fotoana iray ho an’ny mpino rehetra hiainana anaty fivavahana amin’Andriamanitra tokana sady marina ny fotoanan’ny herinandro masina tahaka izao ka tsy tokony hatao ambanin-javatra. Ho an’ity fiangonana ity manokana dia efa nanomboka ny alatsinainy hariva teo tamin’ny 6 ora sy fahefany ny herinandro masina. Hitohy hatramin’ny zoma alina izao izay hanaovan’izy ireo alim-bavaka mihitsy ho fahatsiarovana manokana an-dRasalama, fotoana izay tokony hotanterahina ny 13 aogositra ho avy izao. Hanasana ny rehetra io alim-bavaka io.

Pati