Finoana

Hasin’ny firenena Malagasy “Tanteraho ny hetahetam-bahoaka…”

Finoana
Talata 11 Aogositra 2020

Manana ny drafitra Marshall ny filoham-pirenena, hoy ny filohan’ny fikambanana Hasin’ny firenena Malagasy, Njaka Andriantsoa.

Sao dia mba tokony drafitra mifanaraka amin’ny fomba fitantanana eto Madagasikara no ataontsika? Tantsaha ny 80%n’ny Malagasy. Tsy afaka mamelona, tsy mahasehaka ilay 20%n’ny Malagasy akory anefa ireo. Na manome vokatra azy ireo aza ankehitriny ny tantsaha dia tsy tonga any amin’ilay mpanjifa fa potika sy lo eny an-dalana satria tsy misy ny fitaterana. Raha hiresaka toekarena hatrany isika dia tsy afaka ny tsy hiresaka Jirama. Maro ny orinasa miodina amin’io Jirama io. Ianteheran’ny fiainam-bahoaka io nefa midangana amin’izao. Efa potika ny fiharian-karen’ny olona, mihena ny vola miditra nefa mbola mandoha Jirama. Mangataka amin’ny filoham-pirenena izahay hoe aleo tsy asiana ny fandoavana ny Jirama, hoy hatrany ny HFM. Hajanony ny fanampiana sasany fa hanohano ny Jirama. Efa midina koa izao ny vidin’ny solika any ivelany ka sao dia tokony heritreretina ny hampidinana ny vidiny eto amintsika? Raha hiakatra mantsy io ao aoriandriana ao dia hampiakatra koa ve isika? Very asa na manao asa an-tselika “informel” ankehitriny ny ankamaroan’ny olona ary tsy mankany amin’ny kitampom-bolam-panjakana izany. Mangataka amin’ny fanjakana izahay hoe tanteraho ny hetahetam-bahoaka, raha mbola tiany ny hipetraka eo amin’ny fitondrana, hoy hatrany ny HFM.

J. Mirija