Finoana

Haify mampihavana andiany faha-18 Fahombiazana tanteraka

Finoana
Alatsinainy 28 Septambra 2015

An-jatony ireo olona tonga nitsidika ilay hetsika Haify mampihavana notanterahina teny amin�ny zaridainan�Andohalo ny faran�ny herinandro teo

. Hetsika izay nentin’ny fikambanam-behivavy Women Tourism Association for Madagascar nampitana tamin’ny tanora malagasy ny nahandro tena Malagasy izay zary lasa adinodinon’ny rehetra ankehitriny. Toraka izany koa ny fahaizana misakafo, ny mifantina ny akora hampiasaina hahatongavana amin’ilay sakafo tena fy. Sakafo an-jatony karazana, araka izany, no naranty teny an-toerana nandritra ny roa andro. Ankoatra ireo avy eto an-drenivohitra dia hita tao ihany koa ny avy any amin’ny faritra sy ny avy any ivelany nentina nanomezana ohatra ny isan-tokantrano. Narahina fifaninanana tsikonona nandraisan’ireo ankizy mivondrona anaty vondrona 15 isa izany ka ny vondrona iray misy ankizy dimy no nivoaka ho mpandresy omaly. Notoloran’ny vadin’ny filoha fanomezana manokana izy ireo hampirisihina azy amin’ny fiketrehana ny fomba nahandro tena Malagasy.

Pati