Hafatry ny filohan'ny FJKM

"Aza manao taom-baovaon'ilaikely..."

Finoana
Alakamisy 02 Janoary 2025

Niarahaba ny rehetra sy nitondra hafatra taom-baovao 2025 ny filohan'ny FJKM Irako Andriamahazosoa Ammi ,

ity hoy izy no hafatra taom-baovao farany ataonay amin'ny maha filohan'ny FJKM anay. Nambarany ary ny hoe : aza manao taom-baovaon'llaikely, hoy izy ka ny taona fotsiny no vaovao, fa izy nijanona ho tontakely. Aza manao taom-baovaon'ny adala manao an' Andriamanitra ho tsy misy ka handeha hitsambiki-mikipy. Aza manao Taom-baovaon'ny mpanao isan-kerintaona: Taom-baovao no miditra am-piangonana mandavantaona, tsy miangona intsony. Aza manao taom-baovaon'ny marary saina: mihevitra ny hoe tsy ho faty ka tsy mihevitra ny mandrakizay. MIBEBAKA, TSY TONTAN'NY OTA Fa kosa manaova taom-baovaon'ny Mpianatr'i KRISTY: Ny taona: vaovao, izy efa olom-baovao rahateo. Jesoa no ao anatiny ao; izy mihavao isan'andro.Mpanota izy fa mahay mibebaka, ka tsy mety ho tontan'ny ota.Kristy no anton'ny ahavelomany: ny fahasoavany no ianteherany, ny Fanahiny no ekeny hitarika, ny Fitiavana no hery manetsika, ny Fahamarinana no ataony filamatra, ny Fanenjehana, tsy mampihemotra azy, ny Voninahitr Andriamanitra no lolohaviny an-tampon'ny loha.Nohamafisiny ny foto-kevitra ijoroan'ny Fjkm dia ny hoe vontoso filazantsara i Madagasikara, filazantsara manova ny tantara.
Nangonin'i RTT

(Tahirin-tsary)