Finoana

Global day of prayer Hotanterahina manomboka ny 21 mey

Finoana
Alatsinainy 11 Mey 2020

Hotanterahina manomboka ny 21 mey ho avy izao ihany ilay hetsika Global day of prayer karakarain’ny mpiara-mamaky ny Baiboly sy ny mampiely Baiboly Malagasy.

Hanomboka amin’ny 06 ora sy fahefahany hariva izany haparitaka amin’ny alalan’ny tambajotran-tserasera facebook hampitomboana hatrany ny finoan’ireo mpino Kristiana tsy hanavahana fiangonana no sady hitondrana am-bavaka ny firenena Malagasy. Hitohy amina vavaka mandritra ny folo andro tsy an-kiato izany aorian’io daty voatondro io ka anisan’ny hangatahana mba hivavaka sy hitalaho amin’Andriamanitra ny Kristiana isan-tokantrano hivoahan’ny firenentsika amin’izao areti-mandoza coronavirus izao. Ny 30 mey izany vao hifarana. Tsiahivina moa fa tamin’ny taona 2000 no nanomboka ny hetsika Global day of prayer. Firenena mihoatra ny 240 maneran-tany no efa mampihatra azy ankehitriny, manana tanjona famelon’aina hatrany ny fanahin’ireo mpino kristiana sy hanohana am-bavaka ny mpiara-belona.

Pati