Finoana

GAEFI, TDL, Pastera Jocelyn Ranjarison Hanao fampisehoana etsy amin’ny kianjaben’i Mahamasina

Finoana
Sabotsy 27 Oktobra 2018

Ho fanohanana ny mpiara-belona ara-panahy sy ho fankalazana ny faha-15 taona niorenan’ny Groupe Artistique Evangelique Fenoantsa Itaosy ( GAEFI) dia hanatanteraka fampisehoana goavam-be etsy amin’ny lapan’ny kolontsaina sy ny fanatanjahantena etsy Mahamasina izy ireo ny 01 novambra ho avy izao.

Hiarahany amin’ireo mpanakanto malaza toa an’i Fanja ao amin’ny tarika TDL izany, ny pastera Jocelyn Ranjarison ary ny tarika Antsan’i Kristy. Tanjon’ny mpikarakara raha araka ny fanazavan’Atoa Andriamalala Rivo, filoha mpanorina ny fikambanana ny mba hahafahan’izy ireo mitory ny hatsaran’Andriamanitra eto an-drenivohitra raha toerana maro no efa notetezin’izy ireo tany amin’ny faritra. Taratasy fanasana raisina etsy amin’ny super music Analakely no hahafahana miditra amin’ny fampisehoana raha tsy misy kosa ny vidim-pidirana. Raha tsiahivina kely moa dia 40 mianadahy ireo mpikambana eo anivon’ny GAEFI. 15 taona no zandriny indrindra amin’izany raha 50 taona no zokiny indrindra.

Pati