Finoana

Foyer Chrétien International Hivavaka ho an’ny mpanala fanadinana

Finoana
Alarobia 11 Jolay 2018

Omaly talata 10 jolay no nampahafantarina tetsy amin’ny hotely Colbert Antaninarenina ny fisian’ny hetsika “fiderana sy tso-drano” karakarain’ny Foyer Chrétien International.

Efa fanao isan-taona ity hetsika ara-pivavahana izay hotanterahina etsy amin’ny CBA By-Pass Alasora ity saingy hahazo tombony manokana ny mpanala fanadinana. Hanomboka amin’ny 1 ora ny fotoana ary ho avy hanafana ny fiderana sy ny vavaka ho an’ny mpianatra i Joseph d’Af. Ankoatra izay dia hisy ny tso-drano sy fangataham-pitahiana ho an’ireo izay tonga manatrika ity fotoana ity. Adiny 5 eo ho eo ny faharetan’ny hetsika ary tsy misy rakitra tatazana, tsy misy ihany koa ny vidim-pidirana. Vavaka sy fiderana no atao ary tsy hanavahana fiangonana fa asaina avokoa ny kristianina rehetra. Nanambara ihany koa moa izy ireo fa tsy hisy mihitsy ny fitaomana olona hiova fiangonana fa hianoka tanteraka anaty fiderana sy vavaka ary tso-drano ny mpino izay ho avy ao.

Tsiry