FONJAN' ANTANIMORA...

Zaza iray sy voafonja 14 vita batisa

Finoana
Alakamisy 04 Septambra 2025

Tontosa tao amin’ny Fonjan’Antanimora omaly Talata 03 Septambra

nandritra ny fotoam-pivavahana izay notarihin’ny Fiangonan’I Jesoa Kristy eto Madagasikara, Synodamparitany Antananarivo Andrefana, ary niarahana tamin’ny Aumonerie Fonja Fiarenana Antanimora, ny fanaovam-batisa sy fanokanana ho mpandray fanasan’ny Tompo ireo andiany « FINOANA ». Zaza 1 sy voafonja miisa 14 no vita Batisa tamin'izany. Miisa 43 kosa ireo noraisin-tanana sy notokanana ho mpandray ny fanasan’i Tompo. Ny Soratra masina ao amin’ny Jaona 9:35d,38a manao hoe: « Mino ny Zanak’Andriamanitra va hianao? … Tompoko, mino aho » no nosafidian’izy ireo ho Teny Faneva. Nisolo tena ny Mpitahiry ny Fitombokasem-panjakana, Minisitry ny Fitsarana, Andriamatoa RAKOTOMANDIMBY Benjamin Alexis, ny Sekretera Jeneralin’ny Ministeran’ny Fitsarana, BELALAHY Hanitriniaina. Tsiahivina moa fa tezaina ara-panahy tahaka izao ihany koa ireo voafonja hahafahany manatsara sy manitsy ny diany rahatrizay tafaverina eny anivon'ny fiaraha-monina izy ireny.
Pati