Finoana

Foibe fitondran-tsekoly FJKM Mba nanome “tosika fameno” ihany koa

Finoana
Alakamisy 27 Aogositra 2020

Tontosa omaly tetsy amin’ny FJKM Atsimon’i Mahamasina ny fitondrana am-bavaka, toy ny fanao isan-taona, ireo mpianatra hanala fanadinana eo anivon’ny

foibe fitondran-tsekoly FJKM na ny fiangonan’i Jesoa Kristy eto Madagasikara. Satria moa mbola anatin’ny ahamehana ara-pahasalamana ny firenena dia mba nanome “tosika fameno”, araka ny fomba fiteny malaza ireo mpianatra hanala izay fanadinam-panjakana izay ihany koa ny eo anivon’ity foibe fitondran-tsekoly ity sy ireo mpiara-miombon’antoka aminy toy ny ONG Mahay sy ny fikambanana CBM, izay tarihin’ny filohany, Lila Ratsifandriamanana. Isan’izany fanomezana izany ny fitsapana hafanana, ny kojakoja fiarovana amin’ny aretina na “kit geste barriere”, ny arotava, ny “gel disinfectant” ary ny kitapom-panafana na “boite a pharmacie”. Efa namaritra sahady ny fidirana ho an’ny taom-pianarana manaraka sahady ihany koa moa ny sekoly FJKM ka dia ny 6 oktobra izao no fidiran’ny mpianatra ho an’ny ambaratonga fototra ary ny 12 oktobra kosa no ofisialy ho an’ny ambaratonga faharoa.

J. Mirija