Finoana

Fofikri Ilafy Nifampihaino ny mpino Silamo sy mpino Kristianina

Finoana
Alakamisy 29 Novambra 2018

Nifarana teny amin’ny Fofikri Ilafy omaly alarobia 28 novambra 2018 tolakandro ny atrikasa fifampihainoana teo amin’ny mpino Silamo sy ny mpino Kristianina nandinihana ny zavatra hitovizana sy tsy hitovizana eo amin’ny fiheveran’ny roa tonta ny atao hoe Herisetra sy ny Fiainana ao an-tokantrano.

Nivoaka avy amin’ny asam-baomiera natao ny fehinkevitra hahazoan’ny Kristianina sy ny Silamo mandray andraikitra amin’ny fandrindrana ny fiainam-piarahamonina eto Madagasikara. Mpizaika nanodidina ny 40 no niatrika an’ity atrikasa ity ka nahitana solontenan’ny mpino Silamo avy eto Antananarivo sy avy any Fianarantsoa ary solontenan’ny mpino Kristianina FLM avy amin’ny synodam-paritanin’i Toamasina, Alaotra Mangoro, Antananarivo, Avaratr’i Mania ary ny synodam-paritanin’i Menabe, hoy ny Pastora Rakotoarijaona Daniel tonian’ny praograma FLM momba ny fifandraisana amin’ny mpino Silamo, teny Ilafy omaly.

Ntsoavina Evariste