Finoana

FLM Sambava Nizara roa tanteraka ny Fiangonana

Finoana
Alatsinainy 14 Septambra 2015

Noheverina fa hiravona tao anatin�ny herinandro ny disadisa ao amin�ny FLM Sambava taorian�ny fanoheran�ny ampahan�ny mpiangona ny famindran-toerana ka nanoloana ny pastora tompon-toerana

. Tsy izay no nitranga fa dia nizara roa tanteraka ny Fiangonana, raha ny hita omaly. Ny ampahany lasa niangona tany an-tokotanin’ny hopitaly Loterana niaraka amin’ny pastora vao notendrena ho amin’ny FLM Sambava, ny ambiny mpomba ny pastora nahazo famindran-toerana hiasa any Ampanavoana Antalaha indray niara-nivavaka tamin’ity farany tao am-piangonana.

Lasa resabe ao Sambava ity raharaha ity. Na ny Fanjakana ao an-toerana aza toa tsy mahalamina azy dia sanatria ve avela hisy hifamono sy hifandatsa-dra vao mody ho taitra satria efa mandeha ny feo omaly fa tsy maintsy ho avy ao am-piangonana ny pastora vao notendrena sy ireo niara-nivavaka taminy tany amin’ny hopitaly omaly.

Jean D.