Finoana

FLM Fihaonana Tolagnaro Atahorana ny hisian�ny fifanjevoan�ny samy mpino

Finoana
Zoma 29 Aprily 2011

Tranga ahiana hipoaka amin�izao faran�ny herinandro izao ny disadisa misy eo anivon�ny Fiangonana loterana Synodam-paritanin�i Faradofay.

Manaitra ny maro mantsy ny mahita sorabaventy miranty eo am-pidirana ny fiangonana FLM Fihaonana Bazaribe, nanomboka ny talata teo. Sorabaventy izay milaza amin’ny ankapobeny fa ireo pastora ao amin’ny synodam-paritany Faradofay dia tsy manaiky ny fanitsakitsahan’ny filohan’ny synoda ny lalàmpanorenana sy ny fanaovana ampihimamba fananan’ny fileovana Ambohimazava Fitiavana sy ny FLM Fihaonana. Manampy izay, araka ny loharanom-baovao, ny famindran-toerana pastora, miendrika fanamparam-pahefana, tapaka nandritra ny isakerintaona nataon’ny Synodam-paritanin’i Faradofay tao Manambaro nanomboka ny 15 aprily teo. Voalaza moa fa amin’ny alahady izao no hapetraka amin’ny toerany avy ireo pastora vaovao ireo.

Re anefa fa tsy manaiky ny sasany amin’ireo pastora tompon-toerana, ary misy amin’ireo mpino kristianina koa no tsy makanto izany. Atahorana noho izany ny hisian’ny fifanjevoana amin’io alahady io ao amin’ny FLM Fihaonana ity. Efa samy mahafantatra ity disadisa ity ny FLM Foibe Antananarivo sy ireo tomponandraikitra ara-panjakana ao Tolagnaro.

Nangonin’i Jean D.