Finoana

FLM Betafo Namarana ny jobily faha 155 taona

Finoana
Alatsinainy 27 Febroary 2023

Feno hipoka ny FLM Betafo raha namarana ny fankalazana ny jobily faha 155 taona. Tonga nanotrona ny filohan'ny Sinodam-paritany Avaratrimania, ny Pastora Ratolojanahary.

Naneho ny fahafehezana tantara ny Lehiben'ny Faritra Vakinankaratra, Vy Vato Rakotovao, ka nilazany fa ankoatry ny finoana Loterana nentin'ireo misionera avy any Norvège notarihin'ny Pastora John Eng, dia mbola izy ireo ihany koa no nampianatra ny fanaovana trano biriky. Ny taona 1867, ny 4 desambra no tonga tany Betafo ireo misionera ireo ary dia ity fiangonana eo Amboniavaratra ity no voalohany tamin'izany. Dieny izao dia efa natsidik'i Pastora Ratolojanahary no mety ho endriky ny fankalazana ny jobily faha 160 taona. Nofaranana tamin'ny fiaraha-misakafo nokarakarain'ny zanaka ampielezana. Ireo manamboninahitra sivily sy miaramila tany an-toerana no niray latabatra ary nahitana ny solombavambahoaka Dr Lova Fiarovana .
Clément RABARY