Finoana

FJKM Nitrotro am-bavaka ny taom-piasana 2016

Finoana
Alatsinainy 18 Janoary 2016

Nifampitaona teny amin�ny lapan�ny fanatanjahatena Mahamasina omaly alahady 17 janoary ny fianakaviamben�ny Fjkm.

Tahaka ny fanao mahazatra isan-taona dia fotoana nanombohana ny taom-piasana 2016 ity omaly ity sady niarahabana sy nitrotroana am-bavaka ihany koa ny mpitandrina Lala Haja Rasendrahasina sy ny ankohonany. Izy moa no filohan’ny birao foiben’ny Fjkm ankehitriny. Notsongaina tao amin’ny Romana 8:24 ny lohahevitra nitantana ity fotoan-dehibe ity dia ny hoe : « Fa ny fanantenana no namonjena antsika… ». Ny mpitandrina Jonah Radimisaona no nitarika ny fotoana, nitory teny kosa mpitandrina Lala Rasendrahasina. Zava-dehibe ity fotoan’ny alahady faha -3-n’ny volana janoary ity ho an’ny Fjkm satria fanokafana amin’ny fomba ofisialy ny taom-piasana ary hitrotroana am-bavaka ny asan’ny fiangonana amin’ny ankapobeny. Nanatrika izao fotoana izao moa ny filohan’ny repoblika Hery Rajaonarimampianina izay zanaky ny Fjkm rahateo. Nambarany fa nisy foana ny fifandraisana sy fiaraha-miasa teo amin’ny fanjakana sy ny mpino kristianina manerana an’i Madagasikara ary zava-dehibe ny fijoroana vavolombelona amin’ny finoana izay mifanindran-dalana tanteraka amin’ny fanajana ny lalàna misy eto amin’ny tany sy ny fanjakana.

RTT