Finoana

Fjkm Filadelfia Antsirabe Mandray anjara amin�ny fiarovana ny tontolo iainana

Finoana
Talata 27 Janoary 2015

Mandray anjara tanteraka amin�ny fiarovana ny tontolo Iainana ny fiangonana manoloana ny fiovaovana ny toetr�andro

. Anisan’ny fandraisan’anjaran’izy ireo amin’izany ny fambolen-kazo ka ny sabotsy 24 janoary 2015 lasa teo dia nandray anjara tamin’izany ny fiangonana FJKM Filadelfia Antsirabe. Ny tanin'ny fiangonana teny Antsahamanitra ihany ity nanaovana hetsika ity, ka ankoatra ny hazo kesika dia novolena bozaka “Vetiver” sy taretra ihany koa ny tany ho fiarovana izany. Tsy mbola fantatra moa hatreto izay tena hampiasana io tanin’ny fiangonana io sy ny fotodrafitrasa hatao eo aminy, saingy ny azo antoka dia ny fampandrosoana ny asa fitoriana ny filazantsara no homena tombondahiny amin’izany haoriana eo any aoriana any. Tazana teny an-toerana avokoa ireo ny fianakaviamben’ny Fiangonana Filadefia Antsirabe, ary nahitana taratra ny firaisankina izany raha ny nambaran’i Dr Eulalie Ralalaharimino, anisan’ny tomponandraikitra ao amin’ity fiangonana ity