Finoana

FJKM BETELA TANAMBAO V Mankalaza ny faha-110 taona niorenany

Finoana
Alarobia 20 Mey 2015

Mankalaza ny faha-110 taonany ny FJKM Betela Tanambao V ao an-drenivohitr�i Toamasina. Tontosa ny alahady 17 mey teo ny fanokafana ny fankalazana izay narahin�ny asa fanitarana ny fiangonana sy ny fametrahana ny vato fototry ny asa fanitarana.

Vonona hanitatra ny fiangonana ny mpino mba ho tombontsoan’ny rehetra. Na dia efa miditra in-droa aza mantsy ny fiangonana rehefa alahady dia tsy mbola antonona ihany. Nanapa-kevitra ny mpitandrina sy ny komitin'ny asa fanitarana fa hatao izay ezaka rehetra hoentina mampandroso ny asan'Andriamanitra hahafahana manitatra ny asa fanompoana. Ny zanaky ny fiangonana sy ny zanaka ampielezana no hanomboka ny tolo-tanana nefa mivelatra ho an’ny fiangonana ihany koa izany toy ireo malala-tanana ho fampandrosoana ny asan'Andriamanitra. Ny filohan'ny sinodaly no nitondra ny tenin'Andriamanitra sy nitarika ny fotoana rehetra. Maro ny hetsika ara-pomba kristianina avadika ho vola entina hamitana ny asa ary atao isan'ambaratongany izany hahafahan'ny rehetra mandray anjara. Tafiditra ao anatin’izany ny fanentanana ny mpitondra fanjakana.

Pati