Finoana

FJKM Antaninanandrano Fitahiana Hividy tany hanorenana Fiangonana vaovao

Finoana
Zoma 06 Jona 2014

Pantekosta 2013-Pentekosta 2014, feno herintaona katroka ny FJKM Antanandrano Fitahiana, Synaodam-paritanin�Iarivo Avaradrano.

Ho marihina amin’ny fanompoam-pivavahana fankalazana an’Andriamanitra izany tsingerin-taona izany amin’ny alahady 8 jona izao ary harahina fitsangatsanganan’ny mpino rehetra ao aminy ny alatsinain’ny Pantekosta any Isahafa Avaradrano. Fa ho fiaraha-mientan’ny fiangonana kosa dia hisy ny fetin’ny Fianakaviana ho tanterahina ny alahady 15 jona ao amin’ity fiangonana ity ihany ka hanaovana ezaka valopy hividianana tany, mitentina 10 tapitrisa Ariary, hanorenena trano Fiangonana vaovao. Nambaran’ny filohan’ny kômitin’ny fividianana tany, ny Mpitandrina Randrianarizay Lucien, omaly, fa nozaraina ho “carreaux” 90 ny tany 900 m2 ka samy hanana “carreaux” 10 m2 tsirairay avy izany, ho anjara birikiny, ny fianakaviana rehetra. Fa ankoatra izay dia hisy koa hetsika ara-panatanjahantena mandritra ny iray volana izay hanomboka ny volana septambra tafiditra amin’ity fividianana tany ity.