Finoana

FJKM Anosipatrana Ivon’ny fankalazana ny faha-150 taona Mankalaza ny faha-150 taona niorenany ny

Finoana
Alatsinainy 09 Jolay 2018

FJKM Anosipatrana ankehitriny. Tamin’ny sabotsy 8 jolay teo no nanomboka ny fankalazana nanasana ireo sinoda sy ny zanaka ampielezana ary nanomezana sakafo azy ireo.

Omaly alahady indray, izay nivavaka tonga rehetra dia nizarana mofomamy rehefa vita ny fivavahana maraina. Ny folakandro tamin’ny 4ora dia niakatra an-tsehatra ny tarika Nanahary izay sady mpivavaka ao ihany. Ny nampalahelo dia tapaka nanomboka tamin’io ny jiro ka gropy no nampiasaina. Ny nisongadina tamin’ity dia ny fahavitan’ny zanaka fiangonana any Belanosina Betafo Antsirabe. Natao tamin’ny alalan’ny “rodorodo” ataon’ny fiangonana izany hoe vola arotsaka manokana izay foy ankoatra ny rakitra isan-kerinandro ny hetsika. Hotokanana amin’ity taona ity ny fotodrafitrasa.

Rabeso