Finoana

FJKM Ankazonorina Ambohibato Tafapetraka ny mpitandrina vaovao

Finoana
Alatsinainy 26 Martsa 2018

Tafapetraka omaly alahadin’ny sampan-drofia sady alahadin’ny Slk ao amin’ny fiangonana ny mpitandrina vaovao notendren’ny Synodam-paritany hitondra ny fiangonana FJKM Ankazonorina Ambohibato, Andriamitify Eli-Seth, ka ny mpitandrina mpihevi-draharaha ao amin’ny SPAA 12,

Tarmozafy Salomon no nitarika ny fotoana sy nitondra ny tenin’Andriamanitra tamin’izany. Sitrapon’Andriamanitra, hoy ny mpiandraikitra tao amin’ity fiangonana ity ny fanendren’ny Synoda an’ity mpitandrina vaovao eto aminay ity ka tsy mba nahitana olana ny fandraisana sy fametrahana azy tamin’ny toerany. Dia nanatrika ny fametrahana sy nitsodrano azy hahaleo hahalasa amin’ny asan’ny Tompo ihany koa ny mpitandrina nodimbiasany Vololomanantsoa Gisèle izay nahavita 20 taona katroka tamin’ny fitandremana an’ity fiangonana ity.

Ntsoavina Evariste