Finoana

Partagé sur :
• facebook

Alahadin’ny mpandray ny fanasan’ny Tompo no nanombohana ny taona vaovao

2021 ho an'ny fiangonana FJKM Ankazonorina Ambohibato tamin’ny alahady 03 janoary 2021 lasa teo. Tamin’io fotoana io koa no nanatanterahana ny ezaka adidy Santatra izay nahazoana vola 2 tapitrisa mahery. Hafatra lehibe no nentin'ny mpitandrina Andriamilizafy Eli-Seth, tamin'io dia ny tao amin'ny bokin'ny Filipiana 2:5-11 manao hoe : « Aoka hanahaka an'i Kristy isika" amin'ny fanetren-tena, satria izay manetry tena no asandratr'Andriamanitra ». Mahaiza manetry tena isika kristianina tsirairay avy, hoy ny namafisin'ity mpitandrina ity tamin’izany. Nambarany tamin’io fotoany io ihany koa fa tafakatra 910 ankehitriny ireo mpandray ny fanasan’ny tompo ao amin’ity fiangonana hitandremany ity ankehitriny satria tamin’io alahady 3 janoary io dia mpianatra katekomena izay nampitondraina ny anarana : « Andiany Vavolombelona Mahatoky » niisa 53 indray no noraisina ho mpandray ny fanasan’ny Tompo tao. Nomarihan’ity mpitandrina ity fa 600 latsaka kely tany ho any ny isan’ireo mpandray ny fanasan’ny Tompo tao Ankazonirina tamin’ny 3 taona lasa nahatongavany tao.. Na ny mpivavaka aza dia nitombo ihany koa, satria raha manodidina ny 400 hatramin'ny 500 izany teo aloha dia efa mahatratra 900 izao rehefa alahady tsotra ary aman'arivony rehefa misy hetsika manokana samihafa. Izany no tanteraka, hoy ny mpitandrina dia noho ny tafika masina anatiny niarahan'ny rehetra nisalahy ka nitsidihana isan- tokantrano ny mpino sy ny mpandray ny fanasan'ny Tompo rehetra. Tafiditra indrindra ao anatin'ny ezaka nataon'ny FJKM amin'ny fitoriana ny filazantsara manerana an'i Madagasikara izany.

Marigny A.

Tia Tanindrazana

Samia mijoro ho an'i Gasikara.