Finoana

FJKM Ambohimanandray Hipoka hatrany nandritra ny Herinandro Masina

Finoana
Alarobia 08 Aprily 2015

Niavaka ny fanamarihana ny fetin�ny Paska 2015 ho an�ny fiangonana FJKM Ambohimanandray Filadelfia. Tena navitrika nameno ny fiangonana mantsy tamin�ity taona ity ireo kristianina nandritra ny Herinandro Masina.

Voamarika hatrany izany io fahazotoan’ny mpino io nanomboka ny alatsinainy hatramin’ny zoma masina nisian’ny alim-bavaka. Nanamarika ny alin’ny talata ny fanasan-tongotr’ireo mpino sy ny fandraisana ny fanasan’ny Tompo ny harivan’ny alakamisy. Niditra in-droa ihany koa ny fankalazana ny alahady 5 aprily 2015 teo toy ny mahazatra ny fitandremana isan-taona. Hipoka hatrany ny trano fiangonana tamin’ny fidirana voalohany sy faharoa ka niombom-bavaka teny an-tokotany ny ampahany tamin’ireo mpino kristianina tsy tafiditra tao an-tempolin’Andriamanitra. Hiroso amin’ny fanitarana ny fiangonana avy hatrany ny eny an-toerana aorian’ny fahavitan’ny trano vadim-piangonana, hoy ny mpitandrina Rafanomezantsoa Maurice de Dieu.

Ramano F.