Finoana

FJKM Ambohibao Antehiroka Nahazo Akany vaovao

Finoana
Talata 12 Jona 2018

Tontosa ny alahady teo ny fanokanana ny Akany vaovao “ Manoa ny Avo” eo anivon’ny fiangonana Fjkm Ambohidroa Antehiroka. Fotoam-pivavahana nentina nisaorana an’Andriamanitra no nisantarana ny hetsika.

Nivoitra tao fa naharitra efa-taona vao vita ny asa fanamboarana ny Akany raha efa tamin’ny taona 2010 no namolavolana ny tetikasa. Hampiasaina amin’ny lafiny maro ny fotodrafitrasa manomboka izao. Ankoatra ny birao hiasan’ny biraom-piangonana sy ny trano ipetrahan’ny mpitandrina mianakavy dia azo handraisana lanonana ihany koa ny akany. Fiaraha-misakafo niarahan’ny mpino rehetra eo anivon’ny fiangonana no nentina nanamarihana ny narahin’ny fanehoan’ny sampana tsirairay avy ny talenta hananany. Teny faneva nosafidian’ny fiangonana tamin’io fitokanana io moa ny voalaza ao amin’ny Salamo 92 : 5 manao hoe: “Jehovah ô ! Akory ny halehiben’ny asanao, lalina indrindra ny fisainanao”.