Finoana

FJKM Ambodihady Vaovao Voatokana ny Lycée Privé Lovanavela

Finoana
Talata 12 Septambra 2017

Tontosa tamin’ny alahady 10 septambra teo ny fitokanana ny Lycée Prive FJKM Lovanavela, tsangambaton’ny faha-125 taona niorenan’ny Fjkm Ambodihady Vaovao manana an’i Pastera Raveloson Mamy mivady mitandrina ao aminy.

Ny mpitahiry volan ‘ny foibe FJKM Atoa Andrianarivelo René Olivier, nisolotena ny filohan’ny FJKM notronin’ny foibe fitondran-tsekoly FJKM sy ny departemanta samihafa ary ny SPAA 10 notarihin'ny Pasitera Rakotozanany Andrianomena Jules niaraka tamin’ny solontenan'ny minisiteran’ny fanabeazam-pirenena, ny solombavambahoaka avy ao Ambohimanarina sy ny boriborintany faha-VI no nitarika ny fitokanana. Nanotrona ny fotoana kosa ireo kristianina marobe teny an-toerana sy ireo nasaina manokana. Ny sakafo AGAPE naroso taorian'ny fitokanana an’ity tsangambato lehibe ho lovan’ny taranaka ity no niaraha-nihinana tamin’ ireo vahiny nasaina sy mpino kristianina teny an-toerana. Hitohy amin’ny ezaka fanatsarana ny fiangonana ny asa.

Ntsoavina Evariste