Finoana

Fjkm Ambatondrazaka Fitiavana Noraisin-tanana ny mpitandrina vaovao

Finoana
Alatsinainy 24 Jolay 2017

Zoma 21 jolay sy ny alahady 23 jolay no natokana ny mpino Kristianina eo anivon’ny Fjkm Ambatondrazaka Fitiavana nandraisan-tanana ny

Mpitandrina Raharinosy Andriamaromiadanavalona izay nitandrina ny fitandremana Ambatondrazaka Fitiavana taorian’ny fisotroan-dronono ny Mpitandrina Randriamalalarisoa Jules.Nitarika ny fiombonam-bavaka ny zoma lasa teo ny mpitantsoratry ny synaodam-paritany Ambatondrazaka vaovao ny Mpitandrina Andriamihaja Albert. Ny Filoha mpanampy ny synaodam-paritany ny mpitandrina Rajaonera Rodin no nitondra ny hafatra avy amin’ny teny ny soratra masina izay notsongaina tao amin’ny Filipiana 1 ; 27^.Mila miray fo ny mpino rehetra raha tiantsika ny hampandroso ny asan’Andriamanitra hoy izy.Ny firaisan-kina miampy ny fo miray izay hoy izy no hampandroso kokoa ny asa amin’ny finoana ny filazantsara.Omaly Alahady dia ny mpitandrina Randriamalalaharisoa Jules no nitondra ny tenin’Andriamanitra. Fiaraha-miramarama no namaranana ny fotoana omaly io. Marihina fa fiara tsy mataho-dalana no natolotry ny Fiangonana Ambatondrazaka Fitiavana ny Mpitandrina Raharinosy Andriamaharomiadanavalona mba hamitany ny andraikitra makadiry eo amin’ny fitaizam-panahy ny mpino Kristiana rehetra.

Niry A