Finoana

Fivorian’ny KMSL Loterana faha-139 Hofaranana amin’ny vavaka lehibe etsy Mahamasina

Finoana
Zoma 25 Mey 2018

Hofaranana amin’ny fotoam-bavaka lehibe hotontosaina etsy amin’ny kianjaben’i Mahamasina amin’ny alahady 27 mey izao ny fivorian’ny KMSL na Komity Mpiandraikitra Synoda Lehibe ny fiangonana FLM eto Madagasikara notontosaina ny 22-27 mey 2018 tetsy amin’ny Flm Ambatovinaky

Antananarivo ka nandraisan’ireo solontena 4 isaky ny Synoda Loterana miisa 25 (ao anatiny ny Synoda avy any ampitan-dranomasina) miaraka amin’ny famaranana ihany koa ny Jobily faha-150 taonan’ny Flm sy ny faha-500 taonan’ny Reformasiona izay notontosaina tany Betafo tamin’ny 15-16 desambra 2017 ny ivon’ny fanamarihana. Raha ny mpino Loterana manerana ny nosy dia mahatratra 4.000.000 ankehitriny, hoy ny filohan’ity fiangonana ity, ny Pastora Dr Rakotonirina David, dia azo antoka fa tsy ho tonga aty Antananarivo hanatrika an’ity fotoam-pivavahana lehibe ity fa amin’ny maha mpikambana ny FLM ao anatin’ny FFPM sy FFKM dia mino izahay fa ho avy hanotrona anay ireo mpino Kristianina marobe avy amin’ny finoana samihafa miampy an’ireo solontena FLM efa eto Antananarivo ankehitriny.

Encadré

FLM 2018 :

-Kristianina : 4.000.000

-Pastora : 1.500

-Fiangonana : 8.500

-Fitandremana : 1.410

-Filovana : 320

-Stml : 06

-Salt : 01

Ntsoavina Evariste