Finoana

Fivondronan’ny mpino Silamo Miandrandra firaisankina sy fampihavanana amin’ny Kristianina

Finoana
Talata 10 Septambra 2019

Nampiray ny fikambanana maro samy hafa, ny antoko politika samy hafa firehana ny fahatongavan’ny Papa Fransoa, nandritra ny fivahinianany apostolika nataony teto amintsika.

Nambaran’ny fivondronan’ny mpino silamo fa miandrandra firaisankina sy fampihavanana avy amin’ny kristianina maro tsy ankanavaka ny mpino silamo, tamin’izao fandalovan’ny Papa izao. Tokony haneho izay fihavanana sy firaisankina izay isika Malagasy rehetra, na dia tsy mitovy finoana sy fomba fijery aza ary tokony hapetraka ny fihavanana tena izy, hoy ireo mpino silamo tonga nanatrika ny ekariostia masina notanterahin’ny Papa Fransoa, teny Soamandrakizay ny alahady lasa teo. Marihana fa filohana antoko politika samy hafa toy ny Gffm, fikambanana samy hafa na miankina na tsy miankina amin’ny fanjakana toy ny Cfm, ny Gem no tonga nanatrika io lamesa masina notanterahin’ny Papa Fransoa, ny alahady teo io.

Sitraka r.