Fitsinjovana Alatsinainy Bakaro

Nisy nandoro ny FJKM Ambondrona Salema vaovao

Finoana
Alatsinainy 11 Martsa 2024

Zava-doza no nitranga tao amin'ny kaominina Fitsinjovana any Alatsinainy Bakaro,

distrikan'Andramasina, ny zoma 8 martsa 2024, tokony ho tamin'ny 7 ora hariva, raha ny fampitam-baovao voaray. Nisy nandoro ny Fiangonana FJKM Ambondrona Salema vaovao. Tsy nisy disadisa, tsy nisy ady nefa dia sotasota fotsiny izao, hoy ny fanazavana. Soa fa nisy nahita ny firehetana ka avotra avokoa ireo entana tao am-piangonana rehefa nifamonjen'ny fokonolona tao an-tanàna. Tafo bozaka ilay fiangonana ka mora ny fiitaran'ny afo, hoy ireo mponina. Efa nampandrenesina ny mpitandro filaminana ka efa misokatra ny fanadihadiana ankehitriny, raha ny fampitam-baovao hatrany.
J. Mirija