Finoana

Fitondrana tsara tantana Tsy mahaloa hofan-tranon�ny FJKM ny Fanjakana

Finoana
Alatsinainy 19 Oktobra 2015

Tsy nety mihitsy ny fiarahan�ny FJKM sy ny fanjakana tetezamita. Notakian�ny tetezamita hetra IBS na �Imp�ts sur les B�n�fices des Soci�t�s� ny FJKM na dia tsy orinasa aza.

Minisitry ny vola sy ny tetibola tamin’izany Atoa Hery Rajaonarimampianina, izay lasa filoham-pirenena ankehitriny. Nisy koa andiana miaramila, tamin’izany, nanery ny tompon’andraikitra ara-bola hampiseho ny kaontin’ny FJKM, in-droa miantoana. Nivoatra tsikelikely anefa ny raharaha ka nifanatona ihany ny roa tonta ankehitriny. Niverina nisokatra hatramin’ny onjampeon’ny Fiangonan’i Jesoa Kristy eto Madagasikara, dia ny Radio Fahazavana. Ankoatra izay, efa ho herintaona izao tsy mahaloa hofan-trano ny fanjakana raha nanofa ny tranon’ny FJKM ao Amparibe sy ao Faravohitra tamin’ny alalan’ny minisiteran’ny vola sy ny tetibola izay samy birao iasana. Miteraka fikorontanana amin’ny fitantanam-bolan’ny foibe FJKM izany ankehitriny. Ho sahy handroaka ireto mpanofa trano tsy mahaloa hofan-trano ireto ve ny FJKM ? Hanao ahoana ny ho tohin’izany eo amin’ny fifandraisan’ny roa tonta raha sanatria ka izay no tanteraka ?

Ra-Bri