Finoana

Fitantanana ny Fjkm Mpitandrina 3 mifaninana ho filoha ?

Finoana
Alakamisy 18 Aogositra 2016

Nisokatra tamin�ny fomba ofisialy omaly maraina ao amin�ny FJKM Kamafa Vatofotsy Antsirabe ny Synoda lehibe an�ny Fiangonan�i Jesoa Kristy eto Madagasikara (FJKM) faha-18.

“Koa aza menatra ny ho vavolombelon’ny Tompontsika na ahy mpifatony ianao, fa aoka ianao ho mpiombona ny fahoriana noho ny filazantsara araka ny tenin’Andriamanitra”. Io andalan-tsoratra masina nalaina tao amin’ny bokin’i Timoty io (II Tim 1:8) no nisintonan’ny mpitandrina Lala Rasendrahasina, filohan’ny Fjkm ny toriteniny omaly. Nanatrika io fanokafana omaly io moa ny filoham-pirenena Hery Rajaonarimampianina sy Ramatoa vadiny. Tazana tany an-toerana ihany koa Atoa Marc Ravalomanana sy ramatoa vadiny. Nanamafy io omaly io ny filoham-pirenena fa tsy kandida ho filoha lefitry ny Fjkm izany ny tenany, andrasan’ny maro kosa izay ho vokatry ny fifidianana ireo izay hitarika ny Fjkm. Somary tsiambaratelo ihany moa ny raharaham-piangonana tahaka itony, tsy afaka manatrika ny fivoriana rahateo ny olon-kafa ankoatr’ireo solontena manana taratasy mazava. Na izany aza re tsiliantsofina ihany fa tsy latsaky ny 3 ireo mpitandrina mety ho kandida filohan’ny Fjkm ka ny roa tamin’ireo dia efa kandida ihany nandritra ny Synoda tany Manakara tamin’ny 2012. Ho hita eo ihany ny ho tohin’ity Synoda lehiben’ny Fjkm any Antsirabe ity.

Nangonin’i RTT