Finoana

Fisokafan�ny Radio Fahazavana Hoentina am-bavaka ny alahady izao

Finoana
Zoma 23 Oktobra 2015

fa mandeha sy azon�ny mpihaino renesina ao amin�ny maridrefy 88.6 Mhz nanomboka ny volana aprily 2015 teo ny Radio Fahazavana rehefa tankina nandritra ny 5 taona.

E Efa miverina tsikelikely ihany koa ireo fandaharana vokarin’ny onjampeon’ny Fiangonan’i Jesoa Kristy eto Madagasikara izay manodidina ny 30% ankehitriny, araka ny fanazavana nandritra ny tafa fohy tamin’ny mpanao gazety omaly teny amin’ny foiben’ny FJKM Analakely. Na dia eo aza ireo olana ara-pitaovana sy ny fahatapahan’ny herinaratra matetika dia mihodina 24 ora amin’ny 24 sy 7 andro tsy ankiato ity onjampeo mifototra amin’ny fanabeazana krisitianina ity. Tsimialonjafy ny onjampeon’ny Fjkm ary misokatra amin’ny fiaraha-miasa rehetra, hoy hatrany ireo tompon’andraikitra mpitantana ny onjampeo. Hisy moa ny fitrotroana am-bavaka fangataham-pitahiana ireo asa hosahanin’ny Radio Fahazavana hanasana ny kristianina rehetra ny alahady 25 oktobra 2015 izao ao amin’ny Fjkm Katedraly Analakely manomboka amin’ny 3 ora folakandro.

Ramano F.