Finoana

Fiombonan’ny fiangonana zandrina Miisa 7 hatreto no namaly antso ao Ambohimandroso

Finoana
Alakamisy 28 Jolay 2022

Tontosa ny firahalahian’ny fiombonan’ireo fiangonana zandriny na FIFIZA ao Ambohimandroso, raha ny fampitam-baovao voaray omaly. Araka ny fanazavan’ny Pasitera Faliniriana Rakotoarisoa,

pasitera ao amin’ny fiangonana Assemblee de Dieu, izay filohan’ny FIFIZA, dia tanjona ao anatin’izao ny hampiombona hahatonga ny olona iray hanantena fiainana mandrakizay sy famonjen’I Jesoa Kristy. Andrasana aorian’izao ny fitomboan’ireo mpino sy ny fandrosoan’ny fiangonana tsirairay avy any. Tanana somary an’elanelany be I Ambohimandroso ary ny tsikaritra dia betsaka ny karazana fanompoan-tsampy, fidorohana zava-mahadomelina miseho lany eto ka antony hanaovanay ny ezaka rehetra handrava izany rehetra izany, izay asan’ny fahavalo dia ny devoly. Miisa 7 hatreto ireo fiangonana zandriny namaly izao fiombonana izao raha toa ka 15 no efa nantsoina, hoy hatrany ny fanampim-panazavana voaray.
J. Mirija