Finoana

Finoana Silamo Hanomboka ny iray volan�ny Ramadany

Finoana
Alatsinainy 06 Jona 2016

Hisokatra anio alatsinainy na rahampitso talata ny iray volan�ny Ramadany ho an�ireo mpino Silamo eto amintsika.

Miankina amin’ny singam-bolana izy io, araka ny fanazavan’izy ireo tamin’ny mpanao gazety ny sabotsy teo, iray volana izay volan’ny Tompo Andriamanitra Allah, volan’ny fahasoavana, volan’ny famindram-po ary volan’ny famelan-keloka. Fotoana lehibe hanaovan’ny mpino Silamo fifehezan-tena mandritra io iray volana io, hoy i Theikh Rijaly Jean Bel, mpitarika ireo mpino Silamo mivondrona ao amin’ny Ummi Madagascar eny Anosimasina Itaosy. Tafiditra ao anatin’izany ireo karazana adidy lehibe hampanaovin’Andrimanitra azy ireo izay misy azo leferina ka hitondra fahasoavana ho an’izay mandray anjara. Tsy bedy kosa izay tsy manao. Ho an’ireo karazana adidy lehibe tsy maintsy hatao kosa toy ny vavaka isan’andro, ny fifadian-kanina, ny tsy fahafahana manao firaisana ara-nofo ho an’ny mpivady…izay mitaky olona salama saina sy vatana, tsy mandeha lavitra manodidina ny tanàna dia tokony hatao sy harahina tsara ho an’ny mpino Silamo rehetra. Arahina hetsika ara-tsosialy maro isan-karazany izany, toy ny fizarana ho an’ny tsy manana, fampirisihina ny olona tsy hanao herisetra sy ny fivahinianana masina ho an’ireo manana fahafahana.

Pati