Finoana

Finoana Hisokatra ihany koa ny Fiangonana FLM

Finoana
Alakamisy 13 Aogositra 2020

Namoaka toromaika ho an’ny Pastora sy ny Fiangonana ary ny Kristianina FLM rehetra ao anatin’ny Synodam-paritany Antananarivo (SPAnta) ny eo anivon’ny Fiangonana FLM.

Araka ny tsodrano nomen’ny Filohan’ny Fiangonana sy araka ny Fanambaran’ny Filohan’ny Repoblika ny 09 aogositra, milaza fa fiverina tsikelikely amin’ny fiainana andavanandro ny faritra Analamanga, miverina miasa hatramin’ny 5ora hariva ny rehetra, dia nanambara ny Biraon’ny Synodam-paritany taorian’ny fifampidinihana fa: miasa avokoa ny Pastora rehetra ao anatin’ny SPAnta mba ho fampaherezana ny kristianina izay efa reraky ny krizy ara-pahasalamana. Raha tsy misy olana eo amin’ny ambaratongam-piotondrana, dia misokatra ny Fiangonana FLM manerana ny Synodam-paritany Antananarivo, izay misahandrahaka amina faritra telo ara-panjakana (Analamanga, Itasy, Bongolava). Nohamafisina kosa ny toromarika amin’ny hanajana ny fepetra ara-pahasalamana satria mbola ao anatin’ny ady amin’ny valanaretina Covid 19 ny firenena. Taorian’ny Fiangonana FJKM izany dia hiverina hisokatra ihany koa ny FLM ato anatin’ny Synodam-paritany Antananarivo.

Toky R