Finoana

Finoana Hanokatra Fiangonana ny FJKM

Finoana
Talata 11 Aogositra 2020

Nanapa-kevitra ny hanokatra ny Fiangonana FJKM, fa hiverina hisokatra ny Fiangonana, araka ny Fanambaran’ny Filohany Mpitandrina Irako Andriamahazosoa Ammi omaly.

Misaotra an’Andriamanitra fa na dia tena mbola ao anatin’ny amin’ny coronavirus aza, dia efa ao anatin’ny fidinan’ny olona voa na ny “Phase de décroissance” ka miala amin’ny fihibohana, araka ny tenin’ny Filoham-pirenena, hoy izy. Ny Faritra Analamanga dia efa tratra ilay PIC ka ao anatin’ny « Phase de stabilisation », miverina tsikelikely amin’ny fiainana andavanandro, miasa hatramin’ny 05 ora, miasa ny mpiasa, misokatra ny restaurant. Koa satria miasa ny Mpitandrina, dia misokatra avokoa ny fiangonana FJKM rehetra. Tsy maintsy manaja ny fepetra ara-pahasalamana toy ny natao teo aloha anefa, raha ny fanambaran’ny Mpitandrina Irako Andriamahazosoa Ammi. Isan’ireo fepetra moa ny famerana tsy hihoatra ny 50 ny olona miara-miditra, ny elanalena iray metatra, ny fanasana tànana.Maro ireo fitandremana efa nametraka lamina ny amin’io fiverenan’ny fisokafan’ny Fiangonana io, dieny omaly ihany.

Toky R